اعلمك يا صاحبي ليه انا جاي ؟

السلام عليكم ورحمه الله وبركاته
وانا اتجول بين الابدعات الشعريه
اعجبتني قصيده وحبيت انقلها لكم
اترككم مع القصيده
*****************************
جيتك تسابق نظرتي رجفة خطاي
ما غيرك احد ٍ في حياتي هويته


قلبك على شط الهوى صار مرساي
ونبض المحبه من عروقي رويته


لوّك رميت هموم الايام بحشاي
ما والله اسأل عن هموم ٍ رميته


ولوّك عزفت لآخر ضلوعي الناي
برقص فرح لو مهجة القلب ميته !


ولوّك عرفت اشصاربي حزة اقفاي
يمكن تعذر القلب مما شكيته


ولو ابعدتني عن مواصلك دنياي
تبقى عديل الرّوح مهما جفيته


لا لا تقول انّي عن الود نسّاي
ينساني الله كان حبك نسيته


انت الحبيب وشوفتك اصدق مناي
وانت القريب اللّي بروحي فديته


وانت اللّذي لو عانقتني من اقصاي
ذكرى رسومه هل دمعي وجيته


بعضك يخالط طاهر الريق بشفاي
نشرب بعض وليا ظمالي ظميته


والبعض الاخر ساكن ٍ داخل احشاي
بين الضلوع ونبض الاعماق بيته


اعلمك يا صاحبي ليه انا جاي ؟
حسيت قلبك يحتريني وجيته !!